Përqasje e terminologjisë së gjuhësisë në shqipe me atë në greqishte

Abstrakti

Në këtë punim jemi marrë me një përqasje të terminologjisë gjuhësore të greqishtes dhe të shqipes, nisur gjithmonë nga renditja e disa termave gjuhësorë që i përkasin fushave të ndryshme gjuhësore: fonetikë – fonologji, morfologji, sintaksë, leksikologji. Duke parë me vëmendje të dyja gjuhët, mund të themi se terminologjia si në shqip ashtu edhe në greqisht është e huazuar nga gjuhët e tjera, edhe pse pjesa më e madhe e termave kanë në përbërje rrënjë të greqishtes, ose të latinishtes si p.sh. etimologji / ετυμολογία, polisemi / πολυσημία, metaforë / μεταφορά. Morfologji / μορφολογία etj. Nuk mungojnë edhe fjalë të shqipes si fjalë të parme apo të prejardhura, të cilat zënë një vend më të vogël. Gjithashtu jemi ndalur edhe në një kategori tjetër tek ajo e ndërkombëtarizmave / διεθνισμοί. Në këtë punim kemi paraqitur pikërisht disa veçori të terminologjisë gjuhësore.